Dje në rrugën Prilep-Manastir në një aksion të përbashkët policor nga Departamenti i Policisë Kriminalistike –Sektori për tregtinë e paligjshme të drogave, armëve dhe substancave të tjera të rrezikshme, Njësia Speciale “Tigrat” në bashkëpunim me pjesëtarët e policisë të Stacionit policor të Prilepit kanë sekuestruar 50 kilogramë marihuanë në vlerë prej rreth 200 mijë euro, njoftojnë nga MPB.

Siç bëjnë të ditur nga Ministria e Brendshme në Maqedoninë e Veriut, marihuana transportohej nga Shqipëria dhe si destinacion të fundit përmesë Maqedonisë së Veriut ka pasur Greqinë.

“Në rrugën Prilep-Manastir nga ana e pjesëtarëve të policosë është ndaluar makina “Pezho-karavan” me targa të Shkupit e drejtuar nga 31 vjeçari M.J nga Shkupi. Pas kontrollit është konstatuar se personi nuk ka poseduar leje për vozitje dhe makina ka qenë teknikisht e parregullt, pas kontrollit janë gjetur edhe dy çanta në të cilat ka pasur 9 paketime të mëdha me marihuanë me sasi 50 kilogramë”, informojnë nga Ministria e Brendshme.

31 vjeçari M.J është arrestuar dhe për ngjarjen është njoftuar edhe prokurori publik nga Prokuroria Publike – Prilep dhe po merren masa për ndriçimin e rastit./alsat